ЯСАКЛЫ[йаºсақл ы̌], диал. жасаклы «ясачный» ~ башк. йаһақлы id. – «башлыча натуралата салым түләүче», ш. ук себ. татарларының аерым бер группасы (этноним булып киткән). Бу сүз русча ясачный, ясатчик id. сүзләреннән калькамы, яисә киресенчә, рус сүзе татарчадан калькамы – әйтүе кыен. Һәрхәлдә рус хакимияте чорында ясачный сүзе 1612 елдан бирле билгеле (Аникин: 731). Чув. ясаклă < тат. йасаклы «ясак түләүче».