ЯМЫЛ[йаºм ы̌л] «ямская служба; почта», диал. (гәй, к. ТТДС I: 162) йал (йал куу) < *йамил id. ~ кырг. җамыл, уйг. йамул, йамин «канцелярия» < кыт. ямэнь id. сүзеннән; к. яз. монг. jamun id. > тунг. jамун «почта; олау» (ССТМЯ I: 340–341). Бу сүз төбендә иске тат. (Троянский) җам < гом. төрки, бор. төрки jam < кыт. t׳am «почта станцасы» белән бердәй түгел, тик контаминациягә генә кергән (һәрхәлдә һәр икесе дә кытайчадан). Бор. төрки йам, җам (монг. җам > зам) «ат алмаштыру пунктлары теземе булган юл» фар., рус. һ.б. телләргә алынып, бай деривация биргән, к. Даль; Будагов II: 341; Фасмер IV: 555, Аникин: 725; Тимергалин: 569–570.

Дерив.: ямылчы, ямылчылык ; ямыл чабу ~ ям чабу «почта йөртү».