ЧИЛӘБЕ «Челябинск» ~ башк. Силәбе – миш. (Ульяновск, без теркәдек. – Р.Ә.) чиләбе, циләбе «низина, непроточный бассейн (естественный или искусственный), куда стекает вода» < фар. чäл āби «су чокыры; буа» (чäл, чал, таҗ. чил «чокыр; буа», āб «су»). К. ш. ук каз., к.-калп. (ҚТДС: 392) шел, төркм. чил «дөге басуы; дөге басуының дүрт ягасыннан өелгән туфрак, бруствер» (дөге берничә ай су эчендә үсә һәм аны үстерү өчен махсус чиләбе ләр ясыйлар). Чаг. Шил.

Чиләбе каласын Котлымөхәммәт Тәфкилев (Тевкелев, «Тәфтиләү») башчылыгындагы йомышлы мишәрләр нигезләгән.