ЧИГЕЛДӘК, диал. (ТТДС I: 482–483; Хайрутдинова 1993: 42) чикелдәк, чигендәк, цигәлдәк, цилдәк һ.б. «печенье ромбической формы», себ. (Тумашева 1992: 236) цәгәлтәк «род баурсака», кас. сөйл. (к. Гордлевский 1927: 13–14) чигилди’ «четырёхугольная площадка посреди поля, куда складывались кости жертвенных гусей» ~ үзб. (ЎХШЛ: 299) чегелдек «бавырсак» – асылда «чигелгән күмәч» мәгъ. булса кирәк, к. (ЗДС: 713) цигем «ритуаль күмәч өстенә ясалган бизәкләр». Гомумән, күрәсең, чәгәлдәк < чэгэлдэк < чэгэлтәк мәҗүси ритуаль ашамлык булган. К. Челдәк, Чик-ү II.