ЧӘЧКАП, чәчхап, чәчрәткә (ЗДС: 741–742) «девичий головной убор с монетами (обычно их было девять штук)» ~ башк. сәсқап, кырг. чачқап, чачпак һ.б.ш. чәч ~ чач һәм кап яисә рәткә сүзләреннән гыйбарәт. Кап элекке «янчык» мәгънәсендә, рәткә исә (мишәрләрдә) рус. диал. рядка «чәчәкле бизәк» (чаг. наряд «бизәнеш») сүзеннән. Чәчкап кызлык билгесе буларак еш кына кыйммәтле, катлаулы баш киеме булган, к. ЗДС: 742. Чаг. Чулпы шул ук функциядә.