ЧӘБӘШ, чәбәч (ТТДС I: 499) «овца около одного года, ярка» < гом. кыпч. чебич (> каз., к.-калп. шибиш), к.-балк. чемич, төркм. чебиш, уйг. чивич, үзб. (ЎХШЛ: 300–308) сибич, чибиш, чыбыч, төр. (Zenker: 348) čebič, čepič, čepüč «6–12 айлык бәрән», бор. төрки (ДТС: 144) čepiš «алты айлык бәти», төр. телендә бу сүзнең «үгез бозау» мәгъ. бар. Чыгышы-ясалышы ачык түгел. Тат. чәбеш, чәбеч булырга тиеш иде, хәлбуки икенче иҗектә -ә- килә. Бу хәл борынгылыктан килми. Тат. теленең үзендә килеп чыккан булса кирәк. К. Чебеш, Чибек.