ЧАПРЫШ, чапырыш (ТТДС I: 474–475) «косой, раскосый; наискось; напротив с отступом» ~ каз. шапыраш «кылый», чув. чапруш «диагональ бизәкле тукыма» (< тат.) һ.б. чапраз (к.) сүзеннән үзгәреп килеп чыккан. Бу сүзнең чапыр, чаппарак (Яңавыл, Башкортстан, без теркәдек. – Р.Ә.) вариантлары фар. (> үзб.) чәп, чап «сул як; кыек; чапрыш» сүзе тәэсирендә пәйда булган бугай. Төр. чапариз, чапрашик «буталчык, чапрыш» тур. Будагов I: 468, 469.