УТЛЫК-У(утлыкты, утлыгу) «спадать от недоедания (о боках у животных)», диал. (ТТДС I: 458) «проголодаться после тяжёлой работы, ходьбы и т.п.» – бу гом. төрки фонда оригиналь фигыль, бор. төрки *от-, *оғт- «утлау, көтүдә йөрү» сүзе (фигыль) булганлыгына ишарә итә шикелле (ут-лык- «аеруча утлыйсы килү», чаг. атлык-у ← ат-у, җитлек-ү ←җитү, йотлык-у ← йот-у һ.б.). Чаг. аз. (АДДЛ: 348) отухмағ «тәүләп үлән ашый башлау (яшь терлек тур.)».