ТЫЛ[т ы̌йл] «тыл» < рус. Ләкин рус. (гом. слав.) тыл сүзенең ышандырырлык этимологиясе юк. Тик төрле фаразлар гына бар. Шуларның берсе – тыл- < бор. төрки (болг.) *тыл < бор. төрки *тал > төр. dal «яурын, арка, арт» ~ монг. дал, эвенк. далу «калак сөяге; арт» (ССТМЯ I: 195).

Бу фаразның нигезе шул: бор. төрки телләрдә а ~ ы тәңгәллеге булган һәм аның калдыклары-чагылышлары чув., тув., як. һ.б. телләрдә бүгенгәчә очрый. К. Талта.