ТӨЙНӘ-Ү «завязывать узлом» < гом. кыпч. түйнэ- id. (ләкин бу нигез дериватларда гына күренә) < түйүн-ä- id. түйүн < түгүн «төен» сүзеннән, әлбәттә.

Төйнә-ү продуктив нигез: төйнәл-ү, төйнән-ү, төйнәш-ү, төйнәт-ү, төйнәлеш һ.б. икенчел дериватлар күп. Төйнә- < түйнә- фигыленең төрки телләрдә киң таралган, ләкин тат. сирәк очрый торган дериваты – башк. төйнәк «көнҗәлә» ~ гом. кыпч. түйнэк (кырг. түйнöк) – сарыкларның эчәгенә җыелып «төйнәлгән» йон йомгагы һәм шуның нәтиҗәсендә пәйда булган авыру.