ТОЯК[тŏйақ] «копыто» > мар. диал., удм. диал. туйак < гом. кыпч., уйг. туйақ < бор. төрки (ДТС: 585) tujaγ «тояк; тырнак», төр., төркм. тойнақ, туйнақ, дойнак, төрки (Zenker: 328) tujnaγ, чыгт. (Радлов III: 1424; Поппе 1938: 239, 354) туйна- «тибү», tujnaq «тояк», tujlaqcı, tujlaqucı «тибешкәк (ат)», тув. дуюг, тув. диал. туйуң, туйуғ, алт. туйғақ «тояк» (туйла- «сикерү; тибешү»), хак. туйғах, шор. тығақ, як. туйах, туньах «тояк» һ.б. ~ монг. туурай, бор. монг. turun, turaγun «тояк». Күренүенчә, сүзнең тамыры туй- ~ тур- «тибү, тибенү», чаг. Турак.

Урта гасырларда тояк < туйақ «хәрби салым, контрибуция» мәгъ. кулланылган (ягъни «ат тоягы хакы»).

Дерив.: тояклы (фәнни термин) ~ бор. төрки (ДТС: 584) tujuγluγ, тояксыз.