ТОРГАК тар. «пост охраны», «стан» – сүзмә-сүз «стоящий; стойкий»; название рода (к. Будагов I: 388). Гадәттә яткак-торгак дигән парлы сүз («вакытлыча ятыла һәм аягүрә йөрелә торган төш») составында килгән. Торгак постта тик торган кешене – хәрбине дә белдергән (рус. постовой кебегрәк булган). К. бор. төрки (ДТС: 587) turγaq «сакчы» ← tur- «тору».

Дерив.: торгакла-у «эш буенча төп торак-торлактан еракта тәүлекләп яту, куну-төнү (мәс., ерак көтүлектә, ерак басу торгагында һ.б.)». Алт. сөйләшләрендә турғақла-у «берәр урынга җен ияләшү» ← торғақ «җирнең, урынның иясе (җене)», к. Алтай кеп-куучындар 1994.