ТОМРА-У, томыра-у [тŏмŏра-] «выглядеть тёмным, тихим и бездонным (о небе и о воде); делаться пасмурным, хмурым»; томрап тору «выглядеть спокойным и сильным (о девушках и лошадях)», томрай-у «помрачнеть (о человеке)», себ., алт. (Радлов III: 1520) тумарық «томрау, томанлы», хак. тумара, тунара «йокылы», як. тумарый «баш тону», тумара «агачсыз саз; куе томан һ.б.ш.». Күрәсең, том < тум «бөркәүле; капланган, томанлы» тамырыннан төрлечә юллар белән ясалган һәм үзара контаминациягә кергән сүзләр. К. Томас, Томра, Томса, Томырык.

Охшаш сүзләр һинд-евр. телләрендә дә бар: бор. һинд. tumra «көчле, юан, зур» ~ лат. tumor «шешенке», tumere «шешенү» һ.б.