ТИБРӘН-Ү «качаться, закачаться; задвигаться, начинать двигаться» (к. җырда: Тибрәнде телем, әйтергә Сүзләрне табалмадым) ← тибрә-ү (кайт. юн.). Югарыдагы фигыльдән үзгә буларак, тибрән-ү < тэбрэн- төрки телләрдә киң таралган: гом. кыпч. тебрен-, тебирен- «хәрәкәтләнү, хәрәкәткә килү», башк. (БТДҺ: 315) тиберән- «тырышу», себ. (Тумашева 1992: 207) тәперән-, кр.-тат., госм. тäпрäн- «әрле-бирле хәрәкәтләнү», угыз. (төр., төркм. һ.б.) deprenmek «ярсыну, тетрәнү» (шуннан deprenme «җир тетрәү») ~ чув. тапран- «омтылу; керешү, тотыну», к. Мухамедова 1973: 164. К. түбәндәгеләрне.