ТЕРЛЕК «домашний скот, скотина» < терелек дип кенә аңлату кифая түгел: асылда бу сүз бор. төрки (Zenker; ДТС: 562) tiriglik «яшәү; яшәрлек мал-туар» ~ госм., төр. dirilik «пенсиягә чыккан яничәриләргә бирелә торган көн итәрлек мал-мөлкәт» кебек сүзләрдән килә. К. тат. (ТТДС II: 295–296) терлек «бирнә», терлек-карман, терлек-тару, терлек-торош «иген игеп, мал асрап гадәтчә яшәү хәле, көн итеш», (ТТДС I: 407–408) терлек-тырыш, терлек-хәлмән «мал-туар», терлек-әрбир «бирнә составындагы өй җиһазлары» (карман, хәлмән сүзләре тур. к. Карман II ). К. Тере. Velidi: 293.

Дерив.: терлекче, терлекчелек.