ТЕЗМӘ сүзгә-сүз «низка» ← тез-ү. Тезмә «тезү эше» сүзе күп кенә конкретлаштырылган мәгъ. ия, к. диал. (ЗДС: 625) тезмә «чәчкап», «түшәм, бастырма»; «текмә, койма», «матча кашагасы», «исемлек». Болар өстәвенә әд. телдә тагын төрле терминологик мәгънәләр, мәс., «шигъри текст», «үзара баглы сүзләр рәте» һ.б. ясалган. Фән әһелләре мондый күп мәгънәлелектән качу юлын табарга тиешләр иде. Бүтән төрки телләрдә алай түгел.

Дерив.: тезмәле (күпмәгъ. сүз), тезмәсез (ш. ук күпмәгъ.); тезмәлә-ү, тезмәлән-ү һ.б. тезмә сүз «шигырь».