ТАЛТАЙ-У (Н. Исәнбәт) «растопырить ноги, стоять с широко расставленными ногами» ~ каз., кырг. талтай- id., калм. taltä- «киң булу; авызны киң ачу» < монг. талтайи- id., үзб. талтай- «кәперәю». Талта нигезеннән ясалган сүзләр каз., кырг. телләрендә күп. К. ш. ук як. даллай- «аякларны аерып басу яки колач җәю»; чыгт. далдагай «бик озын канатлы кош» < монг. далдағай «бик җәенке» ← иске монг. (Räsänen 1969 131) daldaji-, taltaji- «киң һәм ерак булу».