СУЛКЫЛДА-У «вздрагивать при рыданиях, всхлипывать» ← *сулкыл тәкълиди нигезеннән, к. тәкълиди сулык-сулык (сулқ-сулқ) итү «сулкылдау» – гом. кыпч. *сол тәкълиди тамырының -қ детерминантына беткән тармагыннан, к. каз. солқ «калтырау, дерелдәүгә тәкълит», солқылда-, кырг. солқулда-, башк. һулқылда- «сулкылдау, чәпчү» һ.б., к. Радлов IV: 554 (һәм арытабан), к. ш. ук тат. сөйл. сулқы-у (К. Тинчурин) «бер тапкыр калтырап алу», башк. (БТДҺ: 381) һулқылдақ «пружина, силә».

Сулк < солқ тамырының сулау сүзенә катнашы булырга мөмкин.