РӘТ «ряд; раз; толк, возможность», диал. эрәт ~ чув. ĕрет, мар. рäдэ, удм. рäт, рад id. Бу сүз артында ике этимон тора: рус. ряд һәм добр. тат. рәт, рәәт, рәһәт «җиңел, кулай, рәхәт» (к. Рәхәт ). Рәт сүзенең продуктив нигез булуы да шуның белән аңлатыла, к. рәтле, рәтсез, рәтлә-ү, рәттән . Чаг. добр. тат. retlen-, ratlan- «ял итү, юнәю, рәтләнү», төр. rahatsız «тынычсыз, рәтсез»; нуг., каз., к.-калп., үзб. диал. (ЎХШЛ: 225) рет, кырг. ирет «рәт» һ.б. татарчадан булырга мөмкин.