ПЕЧЕНЕГ (татарча публикацияләрдә дә шулай языла) «печенег». Русчасы ул халык белән күп сугышкан бор. (Х г.) руслар теленнән үк килә. Хәз. кр.-тат. һәм төр. телләрендә (к. Dobr. III: 40) peçenec. Ләкин иске төрки һәм гар.-фар. чыганакларында баҗанак, бәҗәнәк, к. Kurat 1937. К. Бәҗәнәк.

Русларда Кто к нам с мечом придёт, от меча и погибнет «кем безгә кылыч янап килсә, үлеме кылычтан булыр» мәкале баҗанаклар теленнән алынган диләр. Баҗанакларны византиялеләр белән бергәләп куманнар кырып бетергәннәр.