ПӘНЕС, пәнеске, пәныскы (ЗДС: 524) «вид ручной вязки из шерсти», пенесне белән җамау сүзенә караганда «бәйләмләп эшләнгән тукыма (оек-фәлән генә түгел)». Бу сүзләр Татарстанның төньяк-көнб. (Дөбъяз районында) теркәлгән, күрше мари сөйләшләрендә дә бар. Сүзлекләрдә рус. панский (← пан «поляк») сүзеннән дип күрсәтелә. Ихтимал, ул тирәдә сөргенгә җибәрелгән поляклар яшәгәндер. Чаг. Пански.