ОТ-У I«выиграть (в игре)» > чув. ăт-, ут-, удм. (Насибуллин: 73) ут-, ыт-, ът- id. < гом. кыпч., алт., уйг., чыгт., төр. һ.б. ут-, үзб. йут-, төр. yut- id. Бу сүзне гадәттә (Будагов II: 139; ЭСТЯ I: 609; Федотов I: 93) от-у II белән бердәй нигездән дип карыйлар һәм бер матдәдә бирәләр. Безнеңчә, от-у I һәм от-у II сүзләренең гомогенлыгы шикле. Чаг. чув. вăлт- «уенда хәрәмләшү; серен белү» < *улт-. От- < ут- сүзенең кыскалыгы, ә мәгънәсенең киңлеге һәртөрле фаразларга урын калдыра. М. Рясянен (1969: 517) от-у сүзен отыры (к.) сүзе белән баглый. ЭСТЯ I: 509 (Э.В. Севортян отыры сүзендә от- аерым тамыр ди).

Дерив.: отыл-у, отыш-у, оттыр-у һәм откыз-у (диал.) ~ бор. төрки (ДТС: 619) utuz- id.; отыш, оттырыш һ.б.