МӘКТӘП «школа», иск. «начальная школа» < гар. мäктäб «контора, яза торган урын» сүзеннән, ктб «язу» тамырыннан. Шуннан ук китап, көтепханә, кятиб, мәктүп. Н.К. Дмитриевның «Мектебе и медресе (очерки по методике преподавания русского и родного языков в национальной школе)» (М., 1954) китабында мәктәп сүзенең мәгънәсе гарәпчәгә туры килмәгәнлеген күрсәтеп, бу сүзне «плод недоразумения», ди. Ләкин мäктäб «язарга өйрәнү урыны» мәгъ. ислам илләрендә күптәннән килә.

Дерив.: мәктәпле, мәктәпсез; мәктәпче.