МАШТАК (Арсланов 1988: 87), диал. мәштәк (Тумашева 1992: 151) «низенький, недоразвитый» ~ башк. (БТДҺ: 229) мастак «кәрлә», нуг., к.-балк., ком. маштак «тәбәнәк буйлы» (шулай дип чечен-ингушларны да атыйлар); кайбер телләрдә бу сүз атларга гына карый: башк. мәштәк (> тат. диал. мәчтәк ), к.-калп. мәстек, каз. мәстәк, калм. мастг «кечкенә һәм арык ат (яисә ишәк)» < фар. пäстäк «тәбәнәк» (← пäст «түбән»). Рус. телендә маштак «кечкенә, ләкин көчле ат» (Фасмер II: 586, автор калм. теленнән ди, ләкин дөресе татарчадан булса кирәк: пастäк > мастак > маштак – фар. > каз. > тат. күчешләре). К. Мәштәк, Паст, Тәпәш.