ЛАБАСА, ләбаса (диал. ласа//ләса ) «ведь, же, ясно, конечно же» > чув. (Сергеев 1968: 37) лапасса, удм., мар. лабаса, лаваса id. ике аерым кисәкчәдән гыйбарәт: 1) ла//лә һәм 2) баса//бәсә. Икенче компонент мөстәкыйль рәвештә себ. сөйләшләрендә (ТТДС I: 70; Тумашева: 171) паса//пәсә, нуг., кырг., уйг., алт. баса, тув. база, хак. паза һ.б. «әйе, шулай, әлбәттә» мәгъ. кулланыла. Бу сүз дүрт төрлечә: бас-у фигыленең хәл формасы дип (Joki 1952: 84), бор. төрки basa «соңыннан, шуннан соң» сүзеннән (ә бу сүз фар. баз «тагы» сүзеннән, к. Малов I: 369) дип һәм гар. la basa «кызганычка каршы, бернишләп булмый» тәгъбиреннән дип (Räsänen 1969: 313), яки саф төрки ла баксаң дигәннән дип (Максуди: 42) аңлатыла. К. ш. ук Будагов II: 184, 185; ДТС: 85.