КЫЧЫТКАН, диал. кычырткан, кечерткән, кечеркән «крапива» < гом. кыпч. қычытқан (ком. ғычытған, нуг. қышытқан), башк. кесерткән, кар. кичиткән, кециткянь id. (палаталь вариант күптәннән килә) – диал. кечер-ү, кечерт-ү «ачы кычыттыру» < *қычыр-у сүзеннән, кычы-у белән тамырдаш. Чаг. алт. диал. кычкыл, каз. қышқыл «кислота». Кычырткан нигезе я кычырткын, кычырткыл, я (монг. -кал кушымчасы белән) кычырткал, я монг. *кычырткана (-кана үсемлек атамалары ясагыч) формасыннан килә.