КӨЛЗЕМ иск. «Красное море; сказочный город чертей; одна из могущественных джиннов женского пола» – хәз. Сүәеш порты тирәсендәрәк урнашкан бор. грек-рим порты Сlysma сүзеннән. Грекча бу сүз «юыну улагы» мәгъ. һәм шулай дип озын вә тар Сүәеш каналын һәм Кызыл диңгезне дә атаганнар.

Әлеге грек сүзенә хәз. медицина термины – клизма сүзе дә, Өммегөлсем → Гөлсем («диңгез анасы», «чибәр җен кызы») сүзе дә тоташа. Кеше исеме буларак бу сүз Мөхәммәт пәйгамбәрнең кызларының берсе шулай (Уммүкүлсүм дип) аталганлыктан активлашкан. Гөлсем яңгырашы үзе фар. теленнән килә һәм ул фар. гүли сүнб «тояк гөле» сүзенә охшатылган (шундый гөл бар).