КОРЫЛТАЙ[кŏрŏлтай] тар. «государственное собрание» ~ башк. кŏрŏлтай, нуг., каз. қурылтай, гом. төрки қурултай, аз., төркм. ғурултай id. < бор. монг. хурултай, хурилтай «тантаналы рухани бәйрәм төсендә» дигән сүздән Чыңгыз яулары чорында таралган булса кирәк (к. Номинханов 1975: 110–112). Сүзнең нигезе монг. хурал, хурил «җыен; зур дини бәйрәм; парламент» – хәз. көндә дә Монголиядә, Тувада һ.б. кулланыла торган сүз қор- < кур- «кору, төзү, тезү» тамырыннан дип уйланыла, к. Аникин: 375–376, 627.