КИМӘЛ диал. «уровень», әд. телдә техник әдәбиятта кулланыла; башк. әд. сүз, тат. диал. (ТТДС I: 269, А. Гыйләҗев телендә һ.б.) кәмәл «должная высота плотины», башк. (Катаринский) «ватерлиния; отмеченное место в посуде, до какого должен доходить уровень воды» ~ чув. камал ~ *кәмәл «мера жизни» (камалсăр вилĕм «вакытсыз үлем»). Бу сүзне без Идел-Урал төрки телләрендә генә күрәбез. Ким II сүзе белән тамырдаш булса кирәк (ихтимал, кимәл << кэмгэл).