КӘННӘ (Башкортстан) «дренажный канал, дренажная канава» ~ чув. канна id. (чув. телендә киңрәк билгеле) халыкара киң таралган, к. бер яктан гар. кäннäт «кәннә, камышлык» > лат. canna, грек. kanna «канау; көпшә; камышлык», икенче яктан ит. canale «көпшә, канау, су агымы» >> рус. канал һ.б. (күп телләрдә таралган), төп чыганагы бор. Мисыр теле диләр, Шул ук сүзгә канон «пушка; туп», канонада «күп туплардан ату» сүзе тоташа. К. Kluge: 464, 466.