КАЛКАВЫЧ[қаºлқаw ы̌ч] «поплавок», диал. қалқын, қалатқы (Тумашева 1992: 116) ~ башк. диал. (БҺҺ II: 130) қалқа, мар. калка, чув. хулха, хулкка, хулка id. Калкавыч варианты көнб. кыпчакларда, к. ком. қалқувыч, к.-балк. қалқыўчу «калкавыч». Калаткыга параллель – алт. диал. (Баскаков 1966: 122) калаткы, каз. қалтқы id. Калка варианты алт. калка, каз. диал. (ҚТДС: 186) қалқақ < *қалқағ белән бердәй нигездән.

Барча вариантлар қалқ-, қалық- нигезеннән, к. калык-у тат. (ком.) вариантына ихтимал, монг. халхавч < қалқавч «калкан» сүзенең контаминацион тәэсире бардыр (калкавыч калканга охшаш).