ЙЫУ-У, йу-у [йуы-у?] (себ., ЗДС: 259) «собирать, например, сено» – «җыю (мәс., печәнне)» < йыw- < йығы-? Чаг. (ЗДС: 261) йығрыл-у, ш. ук иғрыл-у < йығырыл-у «җыерыл-у»; бу сүз борынгырак яңгырашлы йыйгыр-у сүзенең төш. юн. булса кирәк, к. шунда ук йый - «җыю», йыйгыр «оста җыючы», йыйым «урак өсте» – оригиналь диал. (себ.) сүзләр. Күрәсең йыйғ-у, йыйығ-у «җыя төшү, интенсив рәвештә җыю». К. Ясәвидә дә:

Дөнья малын сансыз йыйгып алганнарга

Үлем килсә, бере вафа кылмас, ирмеш.

Гом. төрки йығ- «җыю» < йыйыг- булса кирәк. К. Җый-у.