ЙОМША-У «размягчиться» < гом. төрки, бор. төрки йумша-, нуг. юмса-, каз., к.-калп. жумса-, к.-балк., кырг. жумша, алт. дьымжа-, хак. нымса-, тув. чымча- як. сымнаа- ~ чув. çемçе- id. гадәттә (М. Рясянен һ.б.) гом. төрки йуң «йон, кыл, мех, каурый» сүзеннән дип аңлатыла. Ләкин монда аңлашылмаган момент кала: ни өчен чув. çемçе- < *җәмҗә- яки җәмшә-? Як. сымна «йомшак» ← сым «ипи йомшагы» каян килә? Чаг. ш. ук яз. монг. nimegen ~ эвенк. нэмкун, нэjумкун «нечкә; йомшак; назлы» (ССТМЯ I: 616, 624) һ.б. ЭСТЯ IV: 252–253.