ИРТӘНЧӘК, диал. иртәнчек, (ТТДС I: 149–150) ирти, иртин, иртестән, иртәстен, иртәстөн, иртәгәч һ.б. «раненько утром» ~ башк. иртәнсәк, иртәнсек id., мар. эрдéне, ирдöн id. һ.б. Һәрберсе аерым аңлатуны сорый: иртәнчәк, иртәнчек – иртән сүзенең кечерәйтү-иркәләү формасы (иртән чак түгел) шикелле. Чув. иртĕнпех ≈ тат. иртән белән үк, к. тат. диал. иртә(н) блә ~ гом. кыпч. характерда; каз., к.-калп. иртеншек id. тат. теленнән булса кирәк (э > и!).