ИН I(ТТДС I: 146), диал. (Тумашева 1992: 37) ән «полотно; закрой одежды; мера длины (ширины полотна); пахотное поле» < гом. кыпч., чыгт. эн, ен, бор. төрки, уйг. ән ~ төркм. иин, як. иен id., к. Радлов I: 726; ЭСТЯ I: 352–353.

Чув. ан id. < *ән; к. мар. äнä, äңä > ана, чув., удм. ана «җир кишәре, дисәтинә» < болг. *äн-äг, *äң-äг, *äңäк id. Идел-Урал регионының оригиналь сүзе.

Ин һәм иң бик охшаш сүзләр, әмма һәркайсының электән килгән оригиналь, дистинктив мәгънәләре бар (к. Будагов I: 211), шуның өчен монда садә фонетик күчеш кенә күзәтелми, бу сүзләр бер-берсеннән ясалган (э-ин > ин яисә эниг > иң). Чаг. Ин II, Инеч, Иң I, II.

Дерив.: иннә-ү < инлә-ү «озынлыкны үлчәү».