ҖИЛЕК, җелек, диал. (Зимасов: 32) җөлөк, диал., башк. йелек «костный мозг» ~ к.-калп., кырг., к.-балк. җилик, каз. желiк, уйг., үзб., кар., госм., чыгт. илик, йилик «җилек; җилекле сөяк», алт. дьилик, тув. чилиг, як. силии «җилек»; шул ук мәгъ. тат. диал. йөлөн, себ. тат., алт. диал, каз., чыгт. йүлүн, алт. дьүлүң «арка мие»; төркм. йүлүк, алт. дьүлүк «җилек» ~ бор. монг. җилуга id. Сүзнең тамыры *йүй «эчке май, җилек; җилек чыгару» булса кирәк, к. Йөле-ү. ЭСТЯ IV: 265–266.

Дерив.: җилекле, җилексез.