ҖӘРАЯН[җәрайан] иск., кит. (вакыйгалар җәраяны) «цепь событий, явлений, связанных друг с другом; взаимосвязь» < төр. (< гар.) cereyan «агым, агынты; үзара бәйле вакыйгалар, күренешләр үсеше», техникада «электр тогы» ← гар. җäрäн «тиз агу, тиз үсү; тиз үсешү». Бу тамырдан мөселман илләрендә киң кулланышлы (тат. әд.) иҗра «башкару, башкарылу», җария «хезмәтче кыз; фрейлина», мәҗара ← «маҗара, үзара баглы вакыйгалар төене» һ.б. сүзләр ясалган.

Элекке әд. телебездә җәраян сүзе шактый киң (мәс., Г. Исхакый телендә) кулланылган.