ДҮЛМӘН, дөлмән (Ш. Камал) «папаха; копна волос» < госм. дүлбäнд, түлбäнд «чалма; тюльпан» < фар. дӯлбäнд id.: дӯл «цилиндр; чиләк» (к. Тубал ), бäнд «урама». Госманлы төрекләренең хәрби баш киеме катыргы цилиндрга уралган биек ак яисә кызыл чалмадан гыйбарәт булган. Шуннан ук рус. тюрбан һәм тюльпан сүзләре дә килә.

Иске рус. доломан «махсус гаскәри баш киеме» дә төр. диал. дулыман < дүлбәнд сүзеннән; чув. тăламан «дүлмән (бүрек)» рус теленнән булса кирәк.