ДЕБЕТ, диал. дөбөт, дөбет, иск. (ЛТ I: 124) тебет «козий пух; пуховая нить для вышивания; пуховый» < угыз. *дүбүт < бор. төрки (Радлов III: 1598) Түпүт «Тибет» сүзеннән: дебет тәүдә як мамыгын белдергән, ул мамык исә Тибеттан китерелгән.

Түбүт «Тибет» сүзе тат. телендә төбет «зур гәүдәле көтүче эте» һәм диал. дебет «чукрак (чит ил кешесе, тибетлы кебек)» сүзендә дә чагыла (к. ДС III: 16, 76).

К. ш. ук уйг. тивит, каз. түбiт «дебет», кырг. тыбыт «йон төбе мамыгы», төр., аз. тифтик «махсус кәҗә токымы һәм аның мамыгы» һ.б.