БӨДРӘ «кудрявый» (бөдеркә «завив волос») ~ чув. пĕтре, удм. бÿдрäй (Насибуллин: 108–121) ~ венг. bodras, эвен. бодурука «бөдрә», к. ш. ук як. буҗур, монг. боҗур «бөдрә» < бор. монг. buǯigir, *budigir «бөдрә; бөтеркәле», төркм., нуг., к.-калп. бөйрә, каз. буйра «бөдрә» монг. *бүҗрэ вариантыннан булса кирәк. К. Боҗыр.

Тат. диал. көдрә ~ хак. күдүр «бөдрә; ялбыр» варианты бүтән тамырдан, әмма бөдрә ~ бүдрәгә охшатылып формалашкан булса кирәк. Рус. кудря, кудерь «бөдрә; бөдеркә» кудель «көнҗәлә» сүзе белән чагыштырыла (Фасмер II: 400).