БОДАЙ «пшеница» < гом. төрки буғдай (> иске тат. бŏғдай «ожмахтагы агач»), башк. бŏйҙай id. < монг. бугудай (ЭСТЯ II: 232–234). Этимологиясе бәхәсләргә бай: кайберәүләре борай сүзеннән чыгаралар, ләкин бугурай дигән вариант юк. А. Йоки буенча (Joki 1952: 108), боғдай бор. кыт. mwok dai «бодай – бодай төре» (парлы сүз) дигәннән. Ләкин бу юраулы, конкрет тарихи фактлар белән ныгытылмый. Чаг. төр. bug «ашлык бөртеге; бөртекле ашлык».

Деривациясе регуляр.