БИЧУРА, диал. пичура, мичура, бисура, мисура «домовой» > удм. бичыра id. < бичура, биченчура «җен баласы» яисә «җен хезмәтчесе» сүзеннән, к. тат. диал. бичен, пицен «маймыл; шүрәле; убырлы карчык» < бор. төрки bičin «маймыл» < mačin санск. bhaga//Magha Čina «бөек Кытай» (реаль Көньяк Кытай) сүзеннән. Маймыллар шуннан китерелгән. К. Бичен, Мәчкәй. Пичура, мичура вариантлары бичуралар мич тирәсендә булыналар дигән мифның чагылышы (к. табышмак: Мич артында мичура билен буып утыра – себерке тур.). МНМ I: 173.