БЕРӘМ диал. «единица; единый, одиночный» – бор. болг. тәртип саны кушымчасы -әм ялганып ясалган сүз (ул кушымча чув. телендә -ам яңгырашында актив кулланыла; тат. сөйл. берәм нән соң икәм, өчәм, дүртәм, бишәм дип бишташ уенында ташларны саныйлар).

Берәм бик продуктив сүз ясагыч нигез, к. тат., башк. берәм-берәм, берәмек (→ берәмеклә-ү), берәмлек, берәмле; берәмлә-ү; берәмтек, берәмтеклә-ү һ.б.