БЕЛӘН «с, вместе с» – гом. төрки билэн < бирлэн id. бир «бер» сүзеннән: бор. -лэ, -лэн рәвеш ясагыч аффикс булган.

Бу бәйлек төрки телләрдә генә түгел, тат. теле сөйләшләрендә дә күп вариантлы: белә (урта диалект), билән, блә, бя, бә, былан, балан, бән, бан, ман, мән, пан, пән, мынан, менән һ.б. Иң сәере – тат. диал. буланның ком. телендә параллеле бар. Кайбер телләрдә (кар., чув., кр.-тат.) -ба, -бә (кушымчага әверелгән). К. Абдуллин 1963; Арсланов 1976: 3–71; Садыкова 1985: 95; Щербак 1987: 80–81 (арытабангы әдәбият күрсәтелә). К. Берлә.