БАШКОДА «сватающий невесту (за сына другого человека)» – баш сүзенең «беренче, тәүге, башлык» мәгънәсеннән түгел, ә бор. төрки башын «кияү белән кәләш өчен махсус өй, тирмә» сүзеннән булса кирәк; татарда башын ролен ак келәт, ә ул да булмаса күрше өе үтәгән; һәм башын кодасы – «өен биреп торучы күрше» булып чыга; тора-бара башын сүзе баш сүзе белән контаминацияләнгән, к. башк. баш «туй йорты» – тат. баш, баш йорт ~ чув. пускил, удм. бушкель (кил «тәгәрмәчле арба өстендәге тирмә», к. Киләк ), мар. пашкуды «күрше; баш өй хуҗасы» (куды «өй»).

Башкода ның хатыны башлык дип аталган: хатын җәмәгатенең туйга әзерләнүе белән ул җитәкчелек иткән. К. Башня.