БАРАК II«барак, одно- или двухэтажное здание со многими квартирами» тат. теленә русчадан кергән, ләкин рус теленә бор. тат. теленнән килгән дип карасак (рус телчеләре дә каршы түгел) хата булмастыр, к. бор. тат. (Ибне Баттута буенча, Алтын Урдада, Үзбәк хан сараенда, к. Из глубины... : 198–199) барака «дүрт багана өстенә корылган зур чатыр» ~ алт. (Баскаков 1965: 65–66) барақ, төр. baraka «яңгырдан, кардан саклану өчен зур корылма». Бор. төрки (ДТС: 84) barq, ev-barq «бина, корылма», barïq «еракта күренгән ачык-аян булмаган силуэт» (чаг. тат. каралты «корылма; силуэт»). Күрсәтелгән сүзләрнең гомогенлыгы исбатлы түгел. Европа телләрендә дә (Kluge: 90) Ваrаске «лапас, корылма» сүзенең чыгышы бәхәсле дип исәпләнә. Фар. баргяһ «юлакай кереп чыга торган урын; юлдагы (очраклы яисә махсус) корылма», барäк ← бāр «йөкләр саклана, калдырыла торган корылма» фонетик җәһәттән барак сүзенә охшамыйлар.