БАРАК I, карабарак (БТДҺ: 71) «порода собак с лохматой чёрной шерстью», бор. төрки (ДТС: 83; Redhouse: 139) barag id. Бу атама тур. төрле мәгълүматлар Өгәл (Ögel 1993: 185–193, 394–397) китабында китерелә: бараклар кәркәс дигән кошның йомыркасыннан туалар, ди. Эт барак, кыл барак дигән кабиләләр, Карабарак дигән бер патша булган һ.б. Барак ыруы башкорт, нугай, казакларда хәзер дә бар. Бу ыру венгерлардан килә дип уйлыйлар: анда Bárag ыруы бар. Тикшерергә кызыклы тематика.