БАЛАМУТ «баламут, взбалмошный» < рус баламут, чаг. ш. ук рус. балагур. К. төр. palamut «уенда хәрәмләшү», бор. монг. balamad, balamud «авантюрист, мут», маньч. бала «юньсез, дуамал» (к. ССТМЯ I: 68) ~ кыт. бáла «җитәр, туктат, чыгырдан чыкма!». Шанский: 33.

Баламут сүзе русчага бәлки тат. теленнән кергәндер, к. Ш. Галиев шигырендә:

Әти, бәлки, мактангандыр

«Минем балам – ут», – диеп.

Бүтәннәр кул селти иде:

– Беләм, баламут, – диеп.

Ләкин тат. баламыт булырга тиеш иде.

Рус этимологик сүзлекләрендә баламут сүзендә *бала- нигезен күрәләр һәм Корш тәкъдим иткән монг. чыгышын кире кагып, слав. телләренә йөз тотып аңлаталар. Гомумән, аңлатмалары ышанычлы түгел. К. Фасмер I: 113.

Тат. телендә генә булса, бу сүзне бала мут яисә бәла мут дип тә аңлатып булыр иде...