БАГАНА «столб; кол», гом. төрки, гом. монг. бағана, алт. бакана, пағана, як. мағана id. Бор. төрки (ДТС: 78) baγna, уйг. пағана, үзб. поғона «арата» багана сүзенә баглы бугай. Чаг. алт. диал. паххан «багана кагу», пагана «шаман төңгерендә агач сурәте». Күп күрше телләргә кергән, к. Баган I.

Дерив.: баганалы, баганасыз; баганала-у һ.б. Баганалы юл рус. столбовая дорога (тракт) сүзеннән калька. Махсус әдәбиятта (биологиядә) баганачык – рус. столбик сүзеннән калька. Баганалык «баганага ярарлык».