БАГ IIиск. «узы, оковы, путы» (1905 нче елгы революциядән соң тат. газеталары бағлар өзелде дип язганнар) < бор. төрки (ДТС: 76, 77) baγ, bāγ «баг; битлек; бәйләвеч» ← bā-, ba- «баглау; бәйләү, каплау». Бағ сүзе үзе дә, аның фонетик модификацияләре бау, бай > бәй дә күп кенә дериватлар биргәннәр. Бағ үзгәрешсез диярлек уйг., чыгт., угыз., тув. һәм иске монг. телләрендә, пағ иске себ. тат., алт. диал., хак. кулланыла. Баг һ.б. күрше телләргә, ш. ук рус сөйләшләренә дә (к. Аникин: 105–106) үтеп кергән. К. Багдаш, Багла-у, Баглы, Бәй. Будагов I: 231–232; ЭСТЯ II: 13–17; Тимергалин: 72.